ოთხი დღე რუსთავი 2-ის თვალით

-

"ახალი ამბები კეთდება აქ"
 სულ რაღაც ოთხი დღით ვიყავი სოფელში, მაგრამ უდიდესი რელაქსაცია და გაბედნიერებიზაცია განვიცადე, რადგან ჩემთან ერთად იყო ქართული ტელესივრცის გიგანტი - რუსთავი 2 - მთელი შემართებით. სხვა რა გზა მქონდა, ჩემი საწყალი ტელევიზორი სხვა არხს არ აჩვენებდა, მეც ვყლაპე და ვყლაპე რუსთავი2-ის ტკბილი აბები...

   ამ დღეების განმავლობაში მე გავარკვიე, რომ ევრობასკეტზე ჩასული საქართველოს ნაკრების გულშემატკივრები ნაცმოძრაობის აქტივისტები კი არ იყვნენ, რომელთა ლიტვაში ჩასვლაც სახელმწიფოს ბიუჯეტიდან დაფინანსდა, არამედ ჩვენებურების რეალური და აღტყინებული ქომაგები იყვნენ, რომლებმაც პურის ფულიც კი მოიკლეს კლაიპედასა თუ ვილნიუსში გადასაფრენად. თუმცა "სიმართლეც" რომ არ გამერკვია, იმ ხალხს პარტიულ სტაჟს მაინც ვერ დავუწუნებდი - ისე სერიოზულად და დინჯად ადევნებდნენ თამაშს თვალყურს, თითქოს ჩოგბურთის მატჩი მიმდინარეობდა.


 კიდევ გავარკვიე, რომ საქართველოს მყუდროებას მხოლოდ ოპოზიცია არღვევს, რომელიც რუსეთისგან ფინანსდება და კალვერას ბანდასავით დაშლიგინობს ჩვენს პატრიოტებით სავსე სამშობლოში, მაგრამ "შესანიშნავი შვიდეული" ამ დროს რატომ პასიურობს? რატომ არ ზეიმობს სამართლიანობას? "კანონის ძალით" რატომ არ აპატიმრებენ ამ ბურჯგამოცლილ და გაჩეჩილ ხალხს? - ამაზე პასუხი ჯერ არ მიმიღია...

შენი სახის ნათებას...
 მაგრამ რუსთავი 2 გრძნობათა ტყვეობაში ხომ არ დამტოვებდა, ჯერ ხომ არ ვიცოდი რა მელოდა 6-საათიანი კურიერის სახით წინ!.. აქამდე არ შემეძლო წავსულიყავი და ნამდვილი ზღვა მენახა საკუთარი თვალით, მაგრამ რუსთავი2-მა  ერთდროულად ბათუმში, ანაკლიასა და მესტიაში დასვენების გასაოცარი სიტკბოება განმაცდევინა სულ რაღაც 2 წუთში, თანაც დროისა და ფულის დანაკარგის გარეშე...

 კურიერი 9 საათზე კი ეს იგივეა, რაც პეპეს ზღაპრები პირველ არხზე, უბრალოდ უნდა უყურო და მერე ტკბილად დაიძინო :))

 P.S. თბილისში ჩამოვედი რამდენიმე დღეა და ვატყობ, რომ კურიერის აბებზე ვზივარ. მივმართავ სხვა ნარკუშებს: დაანებეთ თავი სუბოტექსსა და სხვა საშუალებებს, ჩვენთან ყველაფერია - მფრინავი ლომებიც და სამძუძუიანი ქალებიც...




Comments

  1. adminSeptember 15, 2011 at 3:24 PM

    kidev kargi imedi ar iCherda, tore iqac ara naklebi zgaprebi itxvzeba xolme... : )

    ReplyDelete
  2. ViktigsonSeptember 15, 2011 at 3:34 PM

    ეგ ალისა საოცრებათა სამყაროშია :)) ისე კი აჩვენებდა მარა ცუდად და ვერ ავიტანე "ხარვეზებიანი" საქართველო

    ReplyDelete
  3. GiorgiSeptember 15, 2011 at 5:26 PM

    ვუყუროთ R2-ს და გვეგონოს რომ ვართ ბედნიერები.. ამ ეტაპზე სხვა მაინც არ შეგვიძლია..

    ისე რუსთავი 2 ნათელი მაგალითია თუ როგორ მოქმედებს მედია ელექტორატზე. და რა გავლენა აქვს კიდევ ინტერნეტს..

    ReplyDelete
  4. ViktigsonSeptember 15, 2011 at 5:30 PM

    და მაგის შედეგის ნათელი მაგალითია ხალხის გამომეტყველება ქუჩაში :))

    ReplyDelete
  5. GiorgiSeptember 16, 2011 at 4:09 PM

    ისე გამოკითხვაში მინდოდა ხმის მიცემა აგერ გვერდზე და ვერ გავაკეთე არჩევანი საკმაო ფიქრის შემდეგაც კი.. :))

    ჩავამატებდი მე "არც ერთს"

    ReplyDelete
  6. AnonymousSeptember 16, 2011 at 8:42 PM

    vakvirdebi am blogs da sul ufrodaufro ixveweba statiebi... bravo avtors... shen rom romelime jurnalistvis gemushava furors moaxdendi saqartveloshi :D
    vinmem icit 25-e kadris sheaaxeb? :?

    ReplyDelete
  7. ViktigsonSeptember 17, 2011 at 10:02 AM

    giorgibenashvili სამწუხაროდ ვერ შევასწორებ, ეს ხომ ბლოგპოსტია :))

    Anonymous 25-ე კადრის დროც მოვა ჩვენს ბლოგზე :))

    ReplyDelete
  8. urochagvcxeupaloOctober 29, 2011 at 7:28 PM

    საღოლ სტატიის ავტორს, ისე ესეც იდოს აქ, შედით და ნახეთ ტროლი ჟურნალისტები :))

    http://www.facebook.com/Troll.Journalists

    ReplyDelete

Post a Comment

Popular posts from this blog

გმირების "ასავალ–დასავალი"

-
Image
"რა დაგიშავეთ ხალხოოო?"  ამას წინათ პრესის ჯიხურში შევიარე ჟურნალ "გზის" საყიდლად (რა თქმა უნდა წიგნის გულისთვის) და თვალი გადავავლე სხვა მარგალიტებსაც. დაბალი ხარისხისა და მაღალი პოლიგრაფიული დონის, ნაირ–ნაირი ფერები, ფართო ასორტიმენტი – შენ ოღონდ ხელი დაადე და აირჩიე. ამ ჟურნალ–გაზეთებში ყველაზე მეტ ყურადღებას მაინც "ასავალ–დასავალი" იქცევს თავისი შავ–თეთრი დიზაინით. მისი ერთ–ერთი ნომერი მთლიანად გმირთა მოედანზე აღმართულ მემორიალს ეთმობოდა;
წამაკითხე ბოლომდე...

My mom is facebookly dead...:((

-
Image
"-hi maaark, but who are you?"  აი უკვე თითქმის ერთი წელი შესრულდა დედა რაც შენ დამტოვე... ხომ გახსოვს? ღამის 5 საათზე მივუბრუნდი facebook-ს და ახალი სტატუსი გამოვაქვეყნე: my mom is dead...:((-მეთქი... ისიც ხომ გახსოვს, რა შოკი გამოიწვია ამ სტატუსმა მთელ სა–friend-ეში, 5 წუთში 1257 კომენტარი დაფიქსირდა დეე... ყველას ეწყინა შენი წასვლა დეე... ყველა ახლობელს შენი სურათი ეყენა profile photo-დ, აი ის სურათი დე, პირველად რომ დაგარეგისტრირე facebook-ზე და სახეგაბრწყინებული მონიტორს ვეღარ აგაგლიჯე... შენ კი, შენ ახლა სულ ჩამქრალი უნდა იყო, უკვე ერთი წელია მწვანე შუქი აღარ შემინიშნავს შენი name-ის გასწვრივ...  საოცარი მოგონებები შემომრჩა დეე, რომელიბიც ჩემი memory-დან აღარასოდეს ამოიშლება, აუ დედიიიიი...  გახსოვს? შენ გვერდით ოთახში იჯექი, მე კიდე chat-ში გწერდი: დე, კვერცხი მაინც შემიწვი დილიდან პირში ლუკმა არ ჩამიდია–მეთქი, შენ კი მიპასუხე: მოიცა რა 5 წუთი, სადაცაა მეთხუთმეტე level-ზე გადავალ და საქათმესაც ავაშენებო. კი მშიოდა, მაგრამ მოვითმინე და მაშინვე დავ–post...
წამაკითხე ბოლომდე...

როგორ ატარებენ საქართველოში გამოცდებს

-
Image
   ჩაიარა სკოლის საატესტატო გამოცდებმა , რომელიც "უპრეცენდენტო" იყო მთელ მსოფლიოში და სწორედ აქ, საქართველოში ჩატარდა "პირველად", ახლა კი სხვა ქვეყნები სწვალობენ ჩვენგან განათლების რეფორმებს. - ასეთი განცხადებები გააკეთეს დიმკა შაშკინმა, მიმინო(ა)შვილმა და რაღა თმა უნდა, მანდაწიურებმა - კეთილი სამარიტელის შთამომავლებმა .   ერთი მხრივ, ტყუილი თქვეს, რადგან CAT -ის სისტემა ევროპაში აპრობირებული მეთოდია. თუმცა, მეორე მხრივ, სიმართლესაც ვხედავთ - საატესტატო გამოცდები ამ ფორმით ალბათ არსად არ ჩატარებულა - როცა ცხრასაათიან და ხუთსაათიან "ცდისპირებს" ერთსა და იმავე კითხვებს დაუსვამ, მხოლოდ პირველი ნაკადიდან თუ ჩაიჭრებიან, ხუთსაათიანებმა კი ისეთ შედეგებს მიაღწიეს, რომ "საუკეთესო" 100 მოსწავლის თითქმის 70% სწორედ მათგან იყო დაკომპლექტებული. ყველაზე საინტერესო კი ის იყო, რომ ამის მერე პპპპპრეზიდენტი გამოვიდა და იმ 100 მოსწავლის წინაშე გაცოფებული ყვიროდა - "რას ჰგავს ეს, ყველა პასუხი იცოდნენო!" (თუ - იცოდითო... :D)
წამაკითხე ბოლომდე...